Ներածություն
Մարմնամարզական ստուգատեսը հանրակրթության մեջ ֆիզկուլտուրայի և ընտրությամբ գործունեության դասաժամերին ձեռք բերված հմտությունների յուրօրինակ ամփոփում է։ Այն հնարավորություն է տալիս սովորողներին ցուցադրել իրենց կարողությունները, ստուգել ուժերը և ամրապնդել առողջ ապրելակերպի մշակույթը։ Ստուգատեսը միաժամանակ դասավանդողների և սովորողների հեղինակային, ստեղծագործական փորձի ներկայացում ու տարածում է։
Կազմակերպչական մաս
- Կազմակերպիչ – Մխիթար Սեբաստացի կրթահամալիրի մարզադպրոց
- Անցկացման վայրը – Կրթահամալիրի մայր դպրոցի մարմնամարզական մեծ սրահ
- Անցկացման ժամանակը – 2025 թ. հունվարի ճամբարի ընթացքում, մեկնարկը՝ հունվարի 7-ին
- Հատկություն – Ստուգատեսը անցկացվում է որպես ամենամյա ավանդական միջոցառում (տասներորդ անգամ)
Մասնակիցներ
- Կրտսեր դպրոց․ 5–6 տարեկաններ, 1-ին դասարան
- Կրտսեր դպրոց․ 2–3–4-րդ դասարաններ
- Կրտսեր դպրոց․ 5-րդ դասարան
- Միջին դպրոց․ 6–8-րդ դասարաններ և մարմնամարզության ընտրությամբ խմբեր
Ծրագրերը և նորմատիվները կազմում և իրականացնում է կրթահամալիրի մարզադպրոցը։
Գնահատման չափանիշներ
- Մասնակցություն – յուրաքանչյուր սովորող խրախուսվում է ակտիվ մասնակցության համար
- Տեխնիկա – վարժությունների ճիշտ և անվտանգ կատարման մակարդակ
- Ստեղծագործական մոտեցում – շարժումների ինքնատիպություն և համարձակություն
- Թիմային համագործակցություն – խմբային ելույթներում միասնականություն և համագործակցություն
Ժամանակացույց
Ստուգատեսի կոնկրետ օրերը և հերթականությունը սահմանվում և հրապարակվում է կրթահամալիրի մարզադպրոցի կողմից։
Комментариев нет:
Отправить комментарий