Շարժման մեջ`բաց երկնքի ներքո🤸‍♂️🤸‍♀️

Մարզադահլիճում են Արևելյան և Հարավային դպրոցների սովորողները։

Տեսանհութը այստեղ`

Ուրախ, թեթև ու շարժուն

Մարզադահլիճում են Արևմտյան դպրոցի ճամբարականները

Դիտեք նկարաշարը`Դիտեք նկարաշարը`

Արևմտյան դպրոցի ճամբարականները մարմնամարզական դահլիճում

Նկարաշար՝

Անկախության օրը բարձունքին

Անկախության օրը բարձունքում

Վայոցսարի բարձունքը հաղթահարեցինք միասին՝ քայլ առ քայլ, ժպիտով ու ոգևորությամբ։  Սովորողների համար ևս մեկ գեղեցիկ օր՝ լի արկածներով, ընկերությամբ ու անմոռանալի հիշողություններով:

Մարզական ուրախ հանդիպում

Մարզական ուրախ հանդիպում

Մարզադահլիճում են Քոլեջի ուսանողները

Նկարաշար`

Ուսումնական տարվա մեկնարկ

Արևելյան դպրոցի 2-րդ դասարանի սովորողներն ուսումնական տարին մեկնարկեցին Թումոյի այգում՝ իրականացնելով Երևանյան պուրակները ուսումնական հարթակներ նախագիծը։ Տարին մեկնարկեցինք  կոմիտասյան երգերով, միասնական ընթերցումներով, մարզական ուրախ խաղերով։

Նախավարժանք և էստաֆետային խաղեր

Լրացուցիչ կրթության պարապմունք 2026-2027թ.

Մասնակիցներ

• Սեբաստացի և ոչ Սեբաստացի սովորողներ

Պահանջներ

• Պարապմունքներին ներկայանալ համապատասխան մարզական համազգեստով։
• Մասնակցել կարող են հինգ տարեկանից սկսած անձինք։

Մարմնամարզական պարապմունքներ

• Կազմակերպվում են կրթահամալիրի մարմնամարզական մարզադահլիճում։
• Վճարը՝ 10.000 դրամ։
• Տևողությունը՝ շաբաթական 2 օր։

Մարզումների օրերը և ժամերը

• Երեքշաբթի՝ 15:00 – 16:30
• Հինգշաբթի՝ 15:00 – 16:30

Կոնտակտային տվյալներ

• Հեռախոս՝ 📞 093 613 614
• Էլ․ հասցե՝ ✉️ r.gspoyan@mskh.am

Էստաֆետային խաղեր 2-րդ դասարանի սովորողների համար

1.«Զիգզակաձև էստաֆետ»

Դասավորեք 4–5 կոն կամ այլ անվտանգ նշան։

Երեխան գնդակով շարժվում է դրանց արանքով՝ շրջանցելով յուրաքանչյուրն իր հերթին։

Վերադառնում է և գնդակը փոխանցում հաջորդին։

2.«Գնդակը հասցրու»

Երեխաները բաժանվում են 2–3 թիմի։

Առաջին մասնակիցը գնդակը տանում է մինչև նշված կետը և վերադառնում։

Գնդակը փոխանցում է հաջորդին։

Հաղթում է այն թիմը, որն առաջինն ավարտում է։

🐰 3. «Նապաստակներ»

Երեխաները երկու ոտքով ցատկոտելով հասնում են նշված կետին։

Շրջանցում են կոնը և նույն ձևով վերադառնում։

Հաջորդ մասնակիցը սկսում է միայն փոխանցումից հետո։

4. «Օղակների միջով»

Օղակները շարել գետնին։ Սովորողը հերթով անցնում է օղակների միջով՝ ցատկերով։

🎈 5. «Փուչիկը չգցես»

Երեխան փուչիկը պահում է երկու ձեռքով կամ թեթև հարվածներով օդում։

Պետք է հասնի շրջադարձի կետին և վերադառնա։

Այնուհետև փուչիկը փոխանցում է հաջորդին։

🚂 6. «Գնացք»

Յուրաքանչյուր թիմ կանգնում է շարքով։

Առաջինը վազում է մինչև կետը, վերադառնում և վերցնում երկրորդին։

Երկուսով գնում են մինչև կետը, հետո միանում է երրորդը։

Վերջում ամբողջ թիմը շարժվում է միասին՝ «գնացքի» նման։

7. «Գնդակը փոխանցիր»

Թիմի անդամները գնդակը փոխանցում են միմյանց՝ գլխավերևից կամ կողքից։ Վերջին մասնակիցը վազում է առաջ և շարունակում խաղը։

Դեպի Էջմիածին

Ճամփորդության օրը՝ սեպտեմբերի 1

Ճամփորդության պատասխանատուներ՝ Անահիտ Մելքոնյան, Ռոզա Գսպոյան

Նպատակը՝

Սովորողների ստեղծագործական,  հայրենագիտական,  աշխարհագրական, ճամփորդական գիտելիքների զարգացում, ամրապնդում

Հայրենիքի տեսարժան վայրերի բացահայտում, ճանաչում

«Հոգևոր Հայաստան» նախագծի իրականացում

Ճամփորդության վայրը՝ Արմավիրի մարզ, քաղաք Էջմիածին։

Մեկնում՝ Մայր դպրոցից, ժամը՝ 10:00

Վերադարձ ՝ ժամը 15:00 Մայր դպրոց

Ճամփորդության ընթացքը և կանգառները՝

10:00` Մեկնում

11.30` Միասնական ժամերգություն Սուրբ Հռիփսիմե վանքում․․

12:00-ճանաչողական շրջայց Մայր Աթոռում, Էջմիածին քաղաքի կենտրոնում, միասնական ընթերցումներ

13․00-Քայլք դեպի Սուրբ Գայանե եկեղեցի

վերադարձ

Իրականացվող նախագծեր՝

«Ուսումնական ժամերգություն»

 Կարդում ենք․․․ճամփորդական ընթերցարան

Հայրենագիտական

Ճամփորդության անհրաժեշտ պարագաներ՝

հարմար կոշիկներ

հարմար ուսապարկ

օրապահիկ բրդուճներ և ջուր

ֆոտոխցիկ, ձայնագրիչ

աղբի տոպրակ և ձեռնոց

Ճամփորդության կազմակերպումը ծնողների միջոցներով։

Յուրաքանչյուր սովորողի վճարը՝

Երթուղիներ՝

Տրանսպորտի ծախսը՝

Արդյունքն այստեղ՝

Մասնակիցներ՝

1.

ՄԽԻԹԱՐ ՍԵԲԱՍՏԱՑԻ ԿՐԹԱՀԱՄԱԼԻՐ Մարմնամարզության ընտրության գործունեության ծրագիր 2026–2027 ուսումնական տարի

Ներածություն

Մարմնամարզության ընտրովի ծրագիրը նախատեսված է այն սովորողների համար, ովքեր հետաքրքրված են մարմնամարզությամբ, ցանկանում են ավելի ակտիվ շարժվել, զարգացնել իրենց ֆիզիկական կարողությունները և սովորել նոր շարժումներ։

Ծրագրի հիմքում մարմնամարզությունն է՝ իր տարբեր դրսևորումներով։ Դասերի ընթացքում սովորողները աշխատում են իրենց մարմնի շարժումների, կեցվածքի, հավասարակշռության, ճկունության, ուժի և կոորդինացման վրա։

Կարևորում ենք ոչ միայն վարժության ճիշտ կատարումը, այլև սովորողի անհատական առաջընթացը։ Յուրաքանչյուր սովորող աշխատում է իր հնարավորություններին համապատասխան՝ աստիճանաբար հաղթահարելով նոր դժվարություններ։

Ծրագիրը նաև հնարավորություն է տալիս մարմնամարզությունը կապել ակտիվ բացօթյա գործունեության հետ՝ շարժումը դարձնելով սովորողի առօրյայի բնական և հաճելի մաս։

Ծրագրի նպատակները

Նպատակները ըստ կրթական աստիճանների`

• զարգացնել սովորողների շարժողական և մարմնամարզական կարողությունները,

• ամրապնդել ուժը, ճկունությունը, արագությունը և դիմացկունությունը,

• զարգացնել հավասարակշռությունը և շարժումների կոորդինացումը,

• ձևավորել ճիշտ կեցվածք և մարմնի նկատմամբ գիտակցված վերաբերմունք,

• սովորեցնել անվտանգ և ճիշտ կատարել մարմնամարզական վարժությունները,

• խթանել ինքնուրույնությունը և սեփական առաջընթացը գնահատելու կարողությունը,

• մարմնամարզության նկատմամբ ձևավորել կայուն հետաքրքրություն։

Ծրագրի հիմնական ուղղությունները

1. Մարմնամարզական պատրաստություն

• ընդհանուր զարգացնող վարժություններ,

• կեցվածքի ձևավորման և ամրապնդման վարժություններ,

• մարմնի տարբեր հատվածների շարժունակության զարգացում,

• ձգումներ և ճկունության վարժություններ,

• ուժային վարժություններ՝ սեփական մարմնի քաշով,

• վարժությունների համակցություններ։

2. Ակրոբատիկա

• գլորումներ առաջ, հետ և կողային ուղղություններով,

• տարբեր մեկնարկային և ավարտական դիրքեր,

• հավասարակշռության վարժություններ,

• մարմնի դիրքերի փոփոխություններ,

• պարզ ակրոբատիկ համակցություններ,

• շարժումների հաջորդականության և կապակցման աշխատանք։

Վարժությունների բարդությունը որոշվում է սովորողի պատրաստվածությանը համապատասխան և աստիճանաբար ավելացվում է։

3. Հավասարակշռություն և կոորդինացում

• տարբեր հենման դիրքեր,

• հավասարակշռության պահպանում շարժման ընթացքում,

• քայլք և շարժում նեղ հենարանի վրա,

• ձեռքերի և ոտքերի շարժումների համադրում,

• տարածության մեջ կողմնորոշման վարժություններ,

• շարժումների արագության և ուղղության փոփոխություն։

4. Ճկունություն և շարժունակություն

• ընդհանուր ձգողական վարժություններ,

• ողնաշարի շարժունակության զարգացում,

• ուսագոտու և կոնքազդրային հոդերի շարժունակության վարժություններ,

• մարմնի տարբեր դիրքերում ճկունության զարգացում,

• շարժումների լայնության աստիճանական մեծացում։

5. Ուժ և արագաուժային կարողություններ

• սեփական մարմնի քաշով ուժային վարժություններ,

• հենումներ և կախումներ՝ ըստ հնարավորությունների,

• որովայնի և մեջքի մկանների ամրապնդման վարժություններ,

• ցատկեր,

• կարճ և արագ շարժողական առաջադրանքներ,

• ուժի և շարժման արագության համակցված վարժություններ։

6. Շարժողական առաջադրանքներ և էստաֆետներ

Շարժողական խաղերն ու էստաֆետները կիրառվում են որպես մարմնամարզական կարողությունները զարգացնելու միջոց։

• արագ արձագանքի առաջադրանքներ,

• հավասարակշռության և կոորդինացման խաղեր,

• շարժումների արագ փոփոխություն,

• զույգերով և փոքր խմբերով առաջադրանքներ,

• մարմնամարզական տարրերով էստաֆետներ։

Այս աշխատանքները նպաստում են շարժման նկատմամբ հետաքրքրության պահպանմանը և սովորողների ակտիվ մասնակցությանը։

7. Բացօթյա մարմնամարզական գործունեություն

Մարմնամարզական գործունեությունը հնարավորության դեպքում կազմակերպվում է նաև բացօթյա միջավայրում։

• ընդհանուր զարգացնող վարժություններ,

• ձգումներ և ճկունության վարժություններ,

• հավասարակշռության և կոորդինացման առաջադրանքներ,

• շարժողական համակցություններ,

• քայլք և ակտիվ շարժում,

• մարմնամարզական առաջադրանքներ բնական միջավայրում։

Սովորողի անհատական առաջընթացը

Ծրագրում կարևոր տեղ է տրվում յուրաքանչյուր սովորողի անհատական հնարավորություններին։

Նույն վարժությունը կարող է ունենալ տարբեր բարդության մակարդակներ։ Սովորողը հնարավորություն ունի աստիճանաբար անցնելու ավելի բարդ առաջադրանքների՝ առանց իր հնարավորությունների նկատմամբ ավելորդ ճնշման։

Առաջընթացը դիտարկվում է ոչ միայն վերջնական արդյունքով, այլև սովորողի՝ նախորդ կարողությունների համեմատ ունեցած փոփոխությամբ։

Անվտանգություն

Մարմնամարզական և հատկապես ակրոբատիկ վարժությունները կատարվում են միայն համապատասխան պայմաններում և ուսուցչի վերահսկողությամբ։

Դասերի ընթացքում կարևորում ենք ճիշտ տաքացումը, վարժությունների ճիշտ հաջորդականությունը, մարզագույքի անվտանգ օգտագործումը և սովորողի հնարավորություններին համապատասխան ծանրաբեռնվածությունը։

Բարդ վարժությունների անցումը կատարվում է աստիճանաբար՝ նախապատրաստական վարժություններից դեպի հիմնական շարժում։

Ակնկալվող արդյունքներ

Ծրագրի ընթացքում սովորողը՝

• ավելի վստահ է կատարում մարմնամարզական վարժությունները,

• կարողանում է համադրել տարբեր շարժումներ,

• զարգացնում է ճկունությունը, ուժը, արագությունը և դիմացկունությունը,

• բարելավում է հավասարակշռությունն ու կոորդինացումը,

• կարողանում է պահպանել ճիշտ կեցվածք և մարմնի դիրք,

• սովորում է անվտանգ կատարել մարմնամարզական և ակրոբատիկ վարժություններ,

• կարողանում է աշխատել ինքնուրույն և համագործակցել ընկերների հետ,

• ճանաչում և գնահատում է սեփական առաջընթացը,

• մարմնամարզությունը ընկալում է որպես ակտիվ և առողջ կենսակերպի մաս։

• Կրթահամալիրում ուսումնական պարապմունքները կատարվում են շաբաթական մեկ օր, 2 ժամով։             
  Ամեն տարի անցկացնում ենք մարմնամարզական ցուցադրական ելույթ քաղաքի դպրոցների միջև անցկացվող սպորտլանդիային

Ամփոփում

Մարմնամարզության ընտրովի ծրագիրը բաց է և կարող է տարվա ընթացքում փոփոխվել ու լրացվել՝ հաշվի առնելով սովորողների հետաքրքրությունները, պատրաստվածությունը, խմբի առանձնահատկությունները և ուսումնական միջավայրի հնարավորությունները։

Ծրագրի հիմնական գաղափարը սովորողին շարժման միջոցով ավելի վստահ, ակտիվ և ինքնուրույն դարձնելն է՝ մարմնամարզությունը դարձնելով ոչ միայն ուսումնական գործունեություն, այլև հաճելի ու շարունակական զբաղմունք։

Կրթահամալիրում ուսումնական պարապմունքները կատարվում են շաբաթական մեկ օր, 2 

Ուսումնական տարվա ավարտին կազմակերպվում է մարմնամարզական ցուցադրական ելույթ, որի ընթացքում սովորողները ներկայացնում են տարվա ընթացքում ձեռք բերած կարողություններն ու հմտությունները՝ կատարելով տարբեր մարմնամարզական վարժություններ և համակցություններ։

Մարմնամարզության ուսումնական ծրագիր.2026–2027 ուսումնական տարի

Ներածություն

Ծրագրի հիմքում «Ֆիզկուլտուրա» առարկայի պետական չափորոշչով սահմանված պահանջներն են։

 Ծրագրի բովանդակությունը ներկայացված է մեր ուսումնական միջավայրին համապատասխան և շարադրված է գործնական, սովորողին հասկանալի ձևով։

Ֆիզիկական ակտիվության միջոցով սովորողները զարգացնում են իրենց շարժողական կարողությունները, ամրապնդում առողջությունը, ձեռք բերում շարժումների ճիշտ կատարման և անվտանգ մարզվելու հմտություններ։

Դասերի ընթացքում կարևորում ենք ոչ միայն վարժության արդյունքը, այլև սովորողի ակտիվ մասնակցությունը, անհատական առաջընթացը, ինքնուրույնությունը և համագործակցությունը։

1-ին դասարան

Քայլք և վազք տարբեր ուղղություններով

Պարզ վազքային խաղեր

Ցատկեր տեղից և շարժման ընթացքում

Գնդակի նետում, բռնում և փոխանցում

Հավասարակշռության պարզ վարժություններ

Կեցվածքի ձևավորման վարժություններ

Գլորման նախապատրաստական վարժություններ

Շարժախաղեր և պարզ էստաֆետաներ

Շնչառական և թուլացման վարժություններ

Ակնկալվող արդյունք․ սովորողը կարողանում է կատարել հիմնական շարժումները, պահպանել հավասարակշռությունը, մասնակցել խաղերին և հետևել անվտանգության պարզ կանոններին։

2-րդ դասարան

Կարճ տարածության վազք

Վազք՝ ուղղության փոփոխությամբ

Ցատկեր փոքր խոչընդոտների վրայով

Գնդակի նետում և բռնում

Գնդակի նետում թիրախի ուղղությամբ

Առաջ գլորման նախապատրաստական վարժություններ

Հավասարակշռության վարժություններ

Շարժումների պարզ համակցություններ

Էստաֆետաներ և շարժախաղեր

Ակնկալվող արդյունք․ սովորողը կարողանում է համադրել հիմնական շարժումները, կատարել պարզ մարմնամարզական վարժություններ և համագործակցել խմբում։

3-րդ դասարան

Վազք՝ արագության փոփոխությամբ

Ցատկեր տարբեր ուղղություններով

Փոքր խոչընդոտների հաղթահարում

Գնդակի նետում թիրախի ուղղությամբ

Նետումներ տարբեր հեռավորություններից

Առաջ և կողային գլորման նախապատրաստական վարժություններ

Հավասարակշռության և կոորդինացման վարժություններ

Պարզ մարմնամարզական համակցություններ

Էստաֆետաներ և շարժախաղեր

Թիմային խաղերի տարրեր

Ակնկալվող արդյունք․ սովորողը կարողանում է վերահսկել շարժման ուղղությունն ու արագությունը և կատարել մի քանի գործողությունից կազմված շարժողական առաջադրանքներ։

4-րդ դասարան

Կարճ տարածության վազք

Վազք՝ արագացումներով

Ցատկեր տեղից և թափավազքով

Ցատկի արդյունքի չափում

Գնդակի նետում հեռավորության և թիրախի ուղղությամբ

Առաջ և հետ գլորման վարժություններ

Մարմնամարզական համակցություններ

Հավասարակշռության և կոորդինացման վարժություններ

Շարժախաղեր և էստաֆետաներ

Թիմային խաղերի պարզ կանոններ

Ակնկալվող արդյունք․ սովորողը կարողանում է ճիշտ կատարել հիմնական շարժումները և դրանք կիրառել խաղային ու շարժողական իրավիճակներում։

5-րդ դասարան

Կարճ և միջին տարածության վազք

Արագության և դիմացկունության զարգացման վարժություններ

Ցատկեր՝ երկարության և բարձրության ուղղությամբ

Գնդակի նետումներ տարբեր եղանակներով

Գլորումներ և հենումներով վարժություններ

Կեցվածքի և մարմնի դիրքի պահպանման վարժություններ

Հավասարակշռության և կոորդինացման առաջադրանքներ

Շարժախաղեր և թիմային խաղեր

Ակնկալվող արդյունք․ սովորողը զարգացնում է արագությունը, ուժը, ճկունությունը, դիմացկունությունը և շարժումների համաձայնեցվածությունը։

6-րդ դասարան

Միջին տարածության վազք

Վազք՝ արագության փոփոխությամբ

Ցատկեր և անվտանգ խոչընդոտների հաղթահարում

Նետումներ տարբեր մարզական գնդակներով

Մարմնամարզական և ակրոբատիկ վարժությունների համակցություններ

Հենումներով և սեփական մարմնի քաշով վարժություններ

Հավասարակշռության և կոորդինացման բարդացված վարժություններ

Ֆուտբոլի, բասկետբոլի և վոլեյբոլի տարրեր

Թիմային խաղեր

Անվտանգության կանոնների պահպանում

Ակնկալվող արդյունք․ սովորողը կարողանում է կատարել տարբեր բարդության շարժողական առաջադրանքներ և վերահսկել սեփական շարժումները։

7-րդ դասարան

Միջին տարածության վազք

Արագության և դիմացկունության զարգացում

Արագաուժային վարժություններ

Ցատկեր տարբեր պայմաններում

Նետումների վարժություններ՝ համապատասխան մարզական գույքով

Մարմնամարզական և ակրոբատիկ բարդացված տարրեր

Հավասարակշռության և կոորդինացման վարժություններ

Ֆուտբոլ, բասկետբոլ, վոլեյբոլ

Խաղերի կանոնների պահպանում

Թիմային աշխատանք

Ակնկալվող արդյունք․ սովորողը կարողանում է կիրառել տարբեր շարժողական հմտություններ և համագործակցել թիմում։

8-րդ դասարան

Միջին և երկար տարածության վազք

Դիմացկունության և արագության զարգացման վարժություններ

Ցատկեր՝ երկարության և բարձրության ուղղությամբ

Նետումների տեխնիկական վարժություններ

Մարմնամարզական և ակրոբատիկ համակցություններ

Հենումներ, կախումներ և սեփական մարմնի քաշով վարժություններ

Հավասարակշռության և կոորդինացման բարդ վարժություններ

Ֆուտբոլ, բասկետբոլ, վոլեյբոլ

Թիմային խաղեր՝ կանոնների կիրառմամբ

Անվտանգ և գիտակցված ֆիզիկական ակտիվություն

Ակնկալվող արդյունք․ սովորողը կարողանում է ինքնուրույն կատարել տարբեր վարժություններ, պահպանել անվտանգության կանոնները և կիրառել ձեռք բերած հմտությունները։

9-րդ դասարան

Վազք՝ արագության և դիմացկունության զարգացման նպատակով

Միջին և երկար տարածության վազք

Ցատկեր՝ տեխնիկայի կատարելագործմամբ

Նետումների վարժություններ՝ համապատասխան մարզական գույքով

Մարմնամարզական և ակրոբատիկ վարժությունների համակցություններ

Ուժի, ճկունության, ճարպկության և հավասարակշռության զարգացում

Ֆուտբոլ, բասկետբոլ, վոլեյբոլ և այլ մարզախաղերի տարրեր

Շարժողական կարողությունների ինքնուրույն կատարելագործում

Առողջ և ակտիվ կենսակերպ

Անվտանգության կանոնների գիտակցված պահպանում

Ակնկալվող արդյունք․ սովորողը կարողանում է ինքնուրույն ընտրել և կատարել իր հնարավորություններին համապատասխան ֆիզիկական վարժություններ, մասնակցել թիմային խաղերին և ֆիզիկական ակտիվությունը դարձնել առօրյայի մաս։

Անվտանգություն և անհատական մոտեցում

Վարժությունների ընտրության և բարդության հարցում հաշվի են առնվում սովորողի տարիքը, ֆիզիկական պատրաստվածությունը և անհատական հնարավորությունները։ Բարդ վարժությունները կատարվում են միայն համապատասխան պայմաններում և ուսուցչի վերահսկողությամբ։

Գնահատում

Գնահատման ժամանակ կարևորում ենք սովորողի անհատական առաջընթացը, ակտիվ մասնակցությունը, վարժությունների ճիշտ և անվտանգ կատարումը, համագործակցությունը և ինքնուրույնությունը։

Կրթահամալիրում մարմնամարզության ուսումնական պարապմունքներն իրականացվում են շաբաթական մեկ անգամ՝ 2 ժամ տևողությամբ։ Պարապմունքների ընթացքում սովորողները զարգացնում են ֆիզիկական կարողությունները, կատարելագործում շարժողական հմտությունները, սովորում մարմնամարզական վարժությունների ճիշտ և անվտանգ կատարման ձևերը։

Տարեկան ուսումնական գործընթացի շրջանակում սովորողները մասնակցում են Երևան քաղաքի դպրոցների միջև անցկացվող սպորտլանդիայի մրցումներին՝ կիրառելով ձեռք բերած մարզական հմտությունները, զարգացնելով թիմային համագործակցությունը, կարգապահությունը և մրցակցային ոգին։

Անհատական աշխատաժամանակ

Օգոստոսի 24-28

1. 9։00-9։30՝ հավաք մանկավարժական խորհուրդով
2. 9։30-10։30՝դահլիճների մաքրում, դասավորում, բակային աշխատանքներ
3. 10։30-12։30-Աշխատանք փոքր խմբերով․ առարկայական ծրագրերի լրամշակումներ
4. 12։30-13։00՝ ընդմիջում
5. 13։00-14։00՝ մասնախմբերով, նախագծային խմբերով աշխատանք

Մարզիչներ. մարմնամարզության մարզադահլիճ

Օգոստոսի 25

• Ժամը՝ 9։00-9։30՝ հավաք մանկավարժական խորհուրդով, օրակարգում՝

1. Գիտելիքի օրվա նախագծեր
2. Նախագծային շաբաթվա ծրագրեր
3. Ընթացիկ այլ հարցեր

• 9։30-10։30՝ բակային աշխատանքներ
• 10։30-12։30՝ կաբինետների մաքրություն, գիտելիքի օրվա նախագծերի հրապարակում, նախագծային շաբաթվա ծրագրերի հրապարակում
• 12։30-13։00՝ ընդմիջում
• Աշխատանք մասնախմբերով

• Օգոստոսի 26

  • Ժամը՝ 9։00-10:00՝ բակային աշխատանքներ
  • 10։00-12։30՝ դահլիճների մաքրություն, նախագծային շաբաթվա ծրագրերի հրապարակում, դասաբաշխման վերջնական հստակեցում
  • 12։30-13։00՝ ընդմիջում
  • 13։00՝ մանկավարժական աշխատողների ընդհանուր հավաք․ 

Օգոստոսի 19-21

Օգոստոսի 19

Եռօրյա ճամբար 

Օգոստոսի 20

• 9։00-9։30՝ մանկավարժական հավաք․ օրվա անելիքների քննարկում՝ Կարինե Պետրոսյանի կաբինետ
• 9։30-10։00՝ բակային աշխատանքներ
• 10։00-12։00՝անհատական աշխատանքներ, աշխատանք փոքր խմբերով․
• 12։30-13։00՝ ընդմիջում
• 
  
• Օգոստոսի 21
• 9։00՝ ուսումնական ժամերգություն Սուրբ Երրորդություն եկեղեցում
• 9։30-10։30՝ բակային աշխատանքներ
• 10։30-11։00՝ կաբինետների մաքրում, կարգավորում
• 11։00-12։00՝ 7-րդ դասարանների դասաբաշխում, Լիանա Ասատրյանի կաբինետ, (ներկայանում են բոլոր այն դասավանդողները, որոնք 8-րդ և 9-րդ դասարանների դասաբաշխման արդյունքում ունեն թափուր ժամեր)
• 10։30-15։00՝ անհատական աշխատանքներ, աշխատանք փոքր խմբերով․

1. աշխատաժամանակի գրանցում
2. առարկայական ծրագրերի լրամշակում
3. Սեպտեմբերի 1-ի նախագծեր
4. ստուգատեսային շաբաթվա նախագծեր
5. այլ

• 12։30-13։00՝ ընդմիջում

Եռօրյա վրանային ճամբար Արտնիշում

Դեպի Արտանիշի վրանային ճամբար

Օգոստոսի 17-ից 19-ը  մեկնեցինք Արտանիշի վրանային ճամբար։ Մասնակցում էին Կրթահամալիրի տարատարիք սովորողներ, այլ դպրոցի սովորողներ, կրթահամալիրում դիմած նոր ընդունվող վերապատրաստվող ուսուցիչներ։

Առաջին կանգառը` Սևանի ազգային պարկի երկրագիտական թանգարան

Ճամփորդության հայտ

 

ՀԱՅՏ

ՃԱՄՓՈՐԴՈՒԹՅԱՆ ԿԱԶՄԱԿԵՐՊՄԱՆ

Ճամփորդության վայրը`«Սևան»ազգային պարկի Արտանիշ թերակղզի